Muzeu i Glasgow ka njoftuar së fundmi se i mungon një skulpturë e Auguste Rodin me vlerë 3 milionë dollarë. Skulptura, pjesë e koleksionit të famshëm “The Burghers of Calais”, e blerë nga muzeu në vitin 1901 nga artisti francez, nuk gjendet më. Vepra e Rodinit u ekspozua në parkun Kelvingrove nga 25 qershori deri më 30 shtator 1949 dhe është mes qindra artikujve që mungojnë ose kanë humbur.

Drejtori i institucionit të menaxhimit të muzeut të Skocisë, Jerome Le Bleu, tha për AFP se zhdukja është e trishtueshme. Statujat, simbol për sakrificën e zyrtarëve lokalë në rrethimin e qytetit francez nga ushtria angleze gjatë Luftës Njëqindvjeçare, iu porositën artistit Rodin nga komuna dhe u zbuluan në 1895.