“Prime” i “Big Brother VIP Kosova” mbrëmjen e sotme nisi me trazira, veçse këtë herë kjo erdhi si rezultat i një fraze të opinionistes Anita Haradinaj, e jo nga banorët, ashtu siç jemi mësuar.

Haradinaj e ka kritikuar Ganinë mbi sjelljet e tij ndaj Brikendës dhe banorëve të tjerë, derisa në një moment, situata doli jashtë kontrolli.

“O Gani, malin e ke marrë. Nuk dyshoj fare që me Brikendën ke vetëm raporte shoqërore, sepse Brikenda është kokrra e yllit, e ti nuk e di a e ke pa ndonjëherë veten në pasqyrë?”, ka qenë fraza që ngjalli shumë pakënaqësi brenda në shtëpi, por edhe në studio.

Pas kësaj deklarate Alaudin Hamiti ka kërkuar ndërprerjen e lidhjes ‘live’ me banorët brenda shtëpisë së “Vëllait të Madh”.