Rihanna zgjodhi një pamje sportive seksi teksa shijonte darkën në Caviar House në Nju Jork të enjten, vetëm tre muaj pasi mirëpriti fëmijën e saj të parë me reperin A$AP Rocky.

Këngëtarja, 34 vjeçe, ka veshur një bluzë blu, të cilën e ka bashkuar me xhinse të gjera teksa doli me një mik. Duke e kompletuar look-un me taka me vija të kuqe dhe të bardha, ajo mbante gjërat e nevojshme me një çantë dore në miniaturë të kuqe, e cila koordinohej me nuancën e buzëkuqit të saj.

Në maj, Rihanna dhe A$AP mirëpritën fëmijën e tyre të parë së bashku, një djalë, emrin e të cilit nuk e kanë zbuluar ende. Një burim informoi People në atë kohë se dy yjet janë duke u përshtatur për të qenë prindër, duke qenë se është hera e parë për ta.

“Djali i tyre është i shëndetshëm dhe Rihanna është e mahnitur prej tij”, shpjegoi burimi i brendshëm, duke shtuar, “Rihanna mezi largohet nga ai. Ajo është një nënë fantastike.”

Ndërkohë, A$AP, emri i vërtetë Rakim Athelaston Mayers, është përfshirë në telashe ligjore. Javën e kaluar, reperi u deklarua i pafajshëm lidhur me çështjen që rrjedh nga një konfrontim i vitit 2021 në Hollywood.