Lëvizja e orës ndikon negativisht në shëndetin e popullatës. Ndërsa dimri afrohet dhe nata bie më herët, shumë njerëz e fillojnë dhe e përfundojnë ditën e tyre të punës në errësirë, me pak mundësi për të kaluar kohë në dritën e diellit. Është ky lloj ndryshimi që mund t’i bëjë disa njerëz të ndihen në depresion. Ekspertët shpjegojnë se çrregullimi afektiv sezonal (SAD) është një lloj depresioni që vjen dhe shkon me ndryshimin e stinëve.

Por çfarë ndodh me fëmijët? Fëmijët gjithashtu luftojnë me depresionin. Të dhënat nga Qendrat për Kontrollin dhe Parandalimin e Sëmundjeve (CDC) tregojnë se rreth 4.4% e fëmijëve përjetojnë depresion në përgjithësi. Por a mund të preken fëmijët nga depresioni sezonal ? Ekspertët thonë se po. “Fëmijët mund të përjetojnë simptoma të depresionit sezonal”-thotë psikologia Thea Gallaghe. Çrregullimi emocional sezonal është një lloj depresioni që ka një model sezonal dhe simptomat zakonisht zgjasin rreth katër deri në pesë muaj në vit, sipas Institutit Kombëtar të Shëndetit Mendor (NIMH).

Simptomat e përgjithshme të SAD, sipas NIMH, mund të përfshijnë depresion, humbja e interesit për aktivitetet që ju pëlqenin dikur, përjetimi i ndryshimeve në oreks ose peshë, probleme me gjumin, ndjeheni të pashpresë ose të pavlerë, vështirësi në përqendrim, mendime të shpeshta për vetëvrasje, ngrënia e tepërt dhe dëshira për karbohidrate. Simptomat e SAD mund të jenë të ndryshme tek fëmijët. Fëmijët mund të përjetojnë ndonjë nga simptomat e mësipërme të SAD, por Gallagher thotë se ata priren të duken pak më ndryshe.

Kjo mund të përfshijë nervozizmin, zemërimin, emocione konfuze, përjetimi i uljeve dhe ngritjeve që duket se nuk janë të lidhura me diçka. Ka sfida të qarta për trajtimin e depresionit sezonal te fëmijët, duke përfshirë faktin se shpesh është errësirë në kohën kur ata kthehen nga shkolla ose ju keni mbaruar me punën, duke e bërë të vështirë t’i ndihmoni ata të djegin energjinë në këndin e lojërave. Nëse dyshoni se fëmija juaj ka SAD, Gallagher rekomandon ta pyesni fëmijën tuaj se si ndihet.