“Në Kuadër të Dashurisë” është duke shëtitur botën dhe udhëtimi i radhës është në SHBA. I gjithë publiku përtej oqeanit që me padurim ka pritur, filmi juaj i preferuar u shfaq më 7 dhjetor në SVA Theater në New York, ndërsa më 11 Dhjetor shkon në Davis Theater në Chicago.

Projekti i suksesshëm me kastin e aktorëve profesionistë, personazheve publike më në zë të momentit dhe një staf i madh që punuan së bashku arritën që të përcjellin tek publiku interes, humor dhe shumë dashuri, ndaj mos e humbisni shansin për te përjetuar një komedi romantike që ju çon larg realitetit dhe ju dhuron të qeshura pafund! Për të ndjekur transmetimin e filmit në kinematë e qyteteve tuaja ju mund të zbuloni më shumë në films.top-channel.tv.