“C’e’ Ancora Domani”, filmi i aktores italiane Paola Cortellesi mbi dhunën në familje ka tejkaluar fenomenin e kultit “Barbie” si filmi me fitimet më të larta në arkat italiane në vitin 2023, sipas të dhënave të Cinetel të publikuara së fundmi.

Filmi bardh e zi, që tregon dramën shtëpiake të një amvise të abuzuar në Romën e pasluftës dhe përballet me çështjet e patriarkatit dhe fuqizimit të grave në vitin që gratë italiane morën të votonin për herë të parë, tani ka marrë 32.250.000 euro, ndërsa filmi i Greta Gerwig me Margot Robbie ka marrë 32.122.000 euro. Ndërkaq, Oppenheimer i Christopher Nolan është në vendin e tretë me 27.990.000 euro.

Rikujtojmë, se Greta Gerwig do të marrë çmimin për regjisoren e vitit për suksesin e filmit “Barbie” në Festivalin Ndërkombëtar të Filmit “Palm Springs”. Ngjarja do të zhvillohet më 4 janar në qendrën e konventave të resortit në Kaliforni, SHBA. Presidenti i Festivalit Nashathar Singh Chandi tha se:

Greta Gerwig na solli përvojën kinematografike të vitit me ‘Barbie’, kombinimi i përsosur i komedisë, emocionit dhe aventurës që argëtoi dhe rezonoi me publikun, duke u bërë një gur prove kulturor në mbarë botën. Gerwig është një regjisore e talentuar dhe vizioni i saj është sjellë në jetë kaq të gjallë si nga skenari që ajo shkroi bashkë me Noah Baubach ashtu edhe nga bashkëpunimi i saj unik me ekipin krijues të jashtëzakonshëm, efektet vizuale të të cilit rivalizohen vetëm nga interpretimet e jashtëzakonshme të Margot Robbie, Ryan Gosling dhe i gjithë kasti. Jemi të nderuar që t’ia dorëzojmë çmimin për regjisorin e vitit Greta Gerwig.

Filmi “Barbie” thyer rekorde për fitimet e mëdha që ka marrë pas publikimit të tij. “Barbie” ka fituar më shumë se 575 milionë dollarë në arkat e Amerikës duke kaluar shifrën e Marios prej 574.2 milionë dollarësh. Kapërcimi i “Barbie” në krye ishte më i shpejtë se ai i “Mario”, duke arritur titullin rekord në vetëm 34 ditë që nga publikimi i tij.